الحزن شئ فينا
يقتل أمانينا
يهدم ف أفراحنا
يدوسنا يجرحنا
يقلب موازينا
ما يخلي شئ لينا
***
الحزن شئ منا
يقدر يلجمنا
يدهس ف أيامنا
ورانا ..أدامنا
يدهش ليالينا
ومننا وفينا
***
منصور يا ضي
مهما كان الجرح حي
ما في زي الحزن شي
مهما كان اليأس
أو كات المشاكل
ولو كات الظروف
ألوف وراها ألوف
ومهما كان الحزن جي
منصور ياضي
***
يا ضي لو وحدك
تاخد بإيد أهلك
تناديك وتندهلك
بشويش على مهلك
أهلك .. لتهلك
من قبلك ومن بعدك
***
يا ضي لو وحدك
يمرق م الجراب سهمك
تنزل حبال المطر
تحبل غيطان الأمل
وتحط فوق الجبل
تغيثنا ... تسقينا
تحيينا ... تروينا
تغزل خيوط الأمل
تنسج أغانينا
نسرح ونحلم باللي جي
منصور يا ضي
***
نورك يا ضي ما ينهزم
ولا يتسجن
ولا يتقتل و لا ينعدم
تنور القلب الضلام
تقلب الظلم لسلام
من غير كلام
تعرف قلوب العارفين
والعاشقين
و لا أي زي
منصور يا ضي
****
بعيد ياحزن
بعيد بعيد
لو لقيتك ف الطريق
رفيق صديق
هقلب الصفحة
وأخطف الفرحة
وألبس الطرحة
ها عيش ف عيد
واموت سعيد
***
منصور يا ضي
ما دمت حي
ليست هناك تعليقات:
إرسال تعليق