مراتي ست مصرية
مراتي ست مصرية
حياتها
نبع حنية
في
قلبي وروحي وعنية
أناديها
تناديني
وتدخل
جوه عين عيني
ألاغيها
تلاغيني
ولا
نخلص ملاغية
***
تبقى
بره البيت غفير
جوه
بيتها مهلبية
تبقى
وسط الشدة راجل
واما
تدلع غازية
شايله
كل هموم بلادها
شايلة
جوزها
فوق
ولادها
هي
حمالة الأسية
***
يا
حنانها ... يا جمالها
لما
تضحك أو تِضَحَكْ
أو
تهذر أو تهرج
تعرف
إنها من الله هدية
في
وجودها
تعرف
الدنيا الهنية
لما
ترحل
والا
تزعل
تمطر
الدنيا بُكِِِيَهْ
هي
أيامنا اللي راحت
هي
ضحكتنا اللي جاية
***
نوارة
البيت
من
غير تثبيت
لكن
خطافة النقدية
ف
اليوم العاشر م الشهر
ويدوب
بالضبط
لازم
تنصرف الماهية
***
مقدرشي
أعيش
من
غيرها يا ناس
قلب
وصافي
أغلي
من الماس
ولكل
زبون على أده مقاس
هي
مقاسي
أهلي
وناسي
وآهي
تاج راسي
وانا
مش ناسي
***
فرحان
بيها
الموالى
يبارك لنا فيها
ويخليها
من
غيرها الدنيا ما تنداس
ولا
تحلى الدنيا حواليا
إلا
ومعايا المصرية
ليست هناك تعليقات:
إرسال تعليق